புத்தாண்டு 2020

சென்ற ஆண்டு சென்றாகி விட்டது ,
வரும் ஆண்டு வந்தாகி விட்டது
ஆண்டும் புத்தாண்டும் என்றும் வந்து கொண்டிருக்கும்
இவ்வாண்டும் புத்தாண்டு வந்தே விட்டது
இனி ஒரு விதி செய்வோமென்றே , புதிதாய் கொள்கை கொள்வோம்
புத்தாண்டு தோறும்.

இல்லை இனி ஒரு விதி நிச்சயம் செய்வோம்
கலாம் கண்ட 2020 வந்தே விட்டது
இனியாவது இனிதாய் இந்தியனாய் 
தேசம் போற்றி கனவை நினைவாக்க
ஒரு படியேனும் முன்னெடுத்து வைப்போம்.

பாடம் படிப்போம், பட்டம் விடுவோம்
இடம் கொடுப்போம், வயல் நாடுவோம்
மழை வேண்டுவோம், மந்தம் போக்குவோம்
மண் காப்போம், மரம் வளர்ப்போம்
தொழில் செய்வோம், அர்த்தம்  போற்றுவோம்
ஆலைகள் அமைப்போம் , கெடாத சாலைகள் செய்வோம்
பொருள் பல செய்திடுவோம் , திரவியம் கூட்டுவோம்
அறம் வளர்ப்போம், மதம் மறப்போம்

போதும் பதினாறு பெற்றாகிவிட்டது
இவை அனைத்தும் ஒழுங்காய் செயலாக்குவோம்
ஆண்டு அனைத்தும் இனிதாய் இருக்கவே