எது புத்தாண்டு

 எது புத்தாண்டு ??


ஜனவரி ஒன்றா , தை ஒன்றா , 

சித்திரை ஒன்றா , ஆடி ஒன்றா , 

ஐப்பசி புதுமதியா ??


சுற்றி வரும் நிலவையோ 

சுற்றும் புவியோ 

உலாவும் கதிரவனோ 

விரியும் சராசரமோ 

கடக்கும் காலம் கழிந்தன எனவும் 


நாம் கடந்த காலம் சுற்றி வரும் போது

மீண்டும் உணரப்படுவதனால் 

செய்த பிழையினை  செய்யாமல் இருந்து 

செய்த நன்றினை மேலும் நன்றாய் செய்திட

எந்நாளை  தேர்வு செய்கிறோமோ 

அந்நாளே புத்தாண்டு 


சுழலும் பூமாதேவி  உணர்த்தும் ஆதவன் 

குறிக்கும் ஒவ்வொரு நாளும் புதிதே எனினும் 

குளிர் கடந்து இயற்கை  மலரும் தை 

இயற்கை மலர்ந்து இயல்பு திரும்பும் சித்திரை 

இயல்பாய் உழுது களைத்து மழையில் நனையும் ஆடி 

மழையில் மனதை பகிர்ந்து  மகிழும் ஐப்பசி புதுமதி

சுற்றும் புவி தாய் நமக்கு அளித்த வரம் 


செய்த செயல் அதன் பலன் அறிந்து 

அர்த்தம் கண்டு பலம் பெற 

தேர்ந்தெடுக்கும் நாளே புத்தாண்டு !!!

விதைத்தவன் விவேக்

 அறிகுறியில்லாமல் அறம் செய்து 

பகுத்தறிவு நன்றென்று பரவிட செய்து 

புன்னகையில் புவி எங்கும் இறை விதைத்து

இறையென்றும் இரை அளிக்க 

மரமெங்கும் விதைத்து 

பிரியாவிடையாய் நம்பிக்கையும் விதைத்து

எங்களை சிரிப்பில் நனைத்து 

விதையாய் உன்னெண்ணம் தந்தவனே 

உலகெங்கும் நீ வ்யாபித்திருப்பாய் 

உன் பேரிற்கு ஏற்றாற்போல்

விவேகானந்தனே  

பஞ்சான அணில் குஞ்சு ( Softie Squirrel Kutti)

பஞ்சான அணில் குஞ்சு ( Softie Squirrel Kutti)

பஞ்சு போல இருக்கும் பந்து
மேல மோதியது ஒரு அணில் குஞ்சு

பயந்த குஞ்சு கொஞ்சம் கெஞ்சுது கண்டு
தேடி ஓடியது அம்மா கண்ணு

கீச் கீச்சென குஞ்சு கத்த
பிஞ்சு அம்மா ஓடி வந்து நின்னது
எங்கள கண்டு

தள்ளி நாங்க நிக்க போக
குட்டியும் அம்மாவும் ஒண்ணா சேர

முத்தமிட்ட பின் தாய் ஓட
தொடர முடியாம  சேய் திணற
கவ்வி கொண்டு தாய் ஓட

எல்லாம் நல்ல படியாய் முடிய போக
கூட்டினை அடைந்தது  குட்டி நலமாக

(Illustrated by : Aparna ) ( உருவகம் தீட்டியது : அபர்ணா )

On to a Softie like ball
dashed a beautiful Baby Squirrel

Frightened a little, the Lil Cried,
Came searching the mother Squirrel

Hearing Keech Keech of the little one
Came running pinju amma,put a sudden brake seeing us

Giving way (we) moving away a little

Mom and baby came together
joyfully kissing each other

Seeing Little unable to follow
Ran taking Little in her mouth Motherly

All went Well-fully
The Lil reached Nest joyfully

Followers